Nú er runnið upp fimmtánda starfsár okkar en frá upphafi höfum við sérhæft okkur í sólpöllum og skjólveggjum og búum því yfir mikilli og góðri þekkingu á þessu sviði.

Einnig höfum við kappkostað við að skila fallegu handbragði og vandaðri vinnu eins og viðskiptavinir okkar geta borið vitni um. Á heimasíðunni er aðeins að finna lítið brot af því sem við höfum haft fyrir stafni í gegnum tíðina og er það á engan hátt tæmandi fyrir það sem hægt er að gera.

Við gerum þér fast verðtilboð í vinnu þér að kostnaðarlausu ef þú kemur gögnunum til okkar. Það sem þú þarft að gera er að mæla garðinn og senda okkur málin og helst ljósmynd af aðstæðum, best er að fá teikningu en það er ekki nauðsyn.

Viljir þú fá okkur á staðin til uppmælingar eða ráðleggingar þá reiknast sú vinna á tímagjaldi. Löggiltur húsasmíðameistari sér um framkvæmd allra verka á vegum fyrirtækisins og þar með er 10 ára lögbundin meistaraábyrgð á öllum okkar verkum.